રાગ : વિભાસ
પદ - ૧
આવો જયું બિરાજો કહાના મોરે નેના આગે; આવો. ટેક૦
નિરખ કમળમુખ ઉપજત અતિસુખ;
દુઃખકે સમૂહ દેખી ઉરહુંસે ભાગે. આવો. ૧
રુપકી અનુપમતાઇ દેખી મન લાગ્યો ધાઇ;
નેનો તો અરુન લાલ કહો કહાં જાગે. આવો. ૨
બોલો તોતરીસી બાની રેનકી નિશાની જાની;
અધર અંજન કપોલન પીક દાગે. આવો. ૩
સાચી કહો શ્યામ અનુરાગે કોનઉકે ધામ;
એહી છબી રહો ઉર પ્રેમાનંદ માગે. આવો. ૪
પદ - ૨
વારી હું બિહારી કહો રેનહુંકી બાતે; વારી૦ ટેક
નેના તો રસાલહે ગુલાલઉતે આછે લાલ;
છૂટે પેચ પાઘઉંકે બેન તોતરાતે. વારી૦ ૧
શ્રમજળ ભીનો પટ મોતીમાળા સોહે તટ;
સેધિકી સુગંધ શ્યામ આવતહેં ગાતે. વારી૦ ૨
જીતેહો બીજેઈ જુધ નાહીં તનઉકી શુધ;
ઉર નખરેખ લાગી બિલસેંહો જાતે. વારી૦ ૩
પુછત સહેલી સાથ પ્રેમાનંદઉકે નાથ;
આયેહો સનેહિજુ તરત ઉઠી પ્રાતે. વારી૦ ૪
પદ - ૩
રાતી રાતી રેખેં દેખેં ઉપજત ચેન; રાતી૦ ટેક
ભોંહેતો કુટીલ વિલુલિત કચ સોહે લટ;
પ્રફુલિત પ્રાત દોઉં પંકજ નેન. રાતી૦ ૧
ચારુ ચિતવનીપર વારુ કોટિ કામ ફેર;
મીન રુ મધુપતે ચંચળ સુખદેન. રાતી૦ ૨
વિચમેં હે સ્યાહી કારી મોહિ યાસું વ્રજનારી;
યામેં સામ દામ ગુન રહતહેં એન. રાતી૦ ૩
કુશળ કટાક્ષજુતે ભીજ રહે નેહઉતે;
પ્રેમાનંદ વારી ચિતવત દિનરેન. રાતી૦ ૪
પદ - ૪
નિરખી બદન કરૂં પ્રાન કુરબાન; નિરખી૦ ટેક
આવો જયું બિહારિ લાલ સોહે ગજગતિ ચાલ;
ભાલ તો વિશાળ દેખી ભઇ ગુલતાન. નિરખી૦ ૧
બાંકે પેચ પાઘઉકે ભોંહપર આઇ ઝુકે;
મોતીકી અનુપ જયોતિ સોહતહે કહાન. નિરખી૦ ૨
બોલત મધુરિ બાની ચિતવતી મનમાની;
હસતહો મંદમંદ ચતુર સુજાન. નિરખી૦ ૩
નંદકે આનંદકંદ બાંધે ભુજ બાજુબંધ;
પ્રેમાનંદ વારી અંગ કોટી શશિ ભાન. નિરખી૦ ૪