રાગ : વેરાવર
પદ-૧
બાલભોગ અતિ હેતશે, કરૂણાનિધિ કીજે,
ભોજન અનેક પ્રકારકે, ભાવે સોઈ લીજે. બાલભોગ૦ ૧
લાલ નવલ તેરે લીયે, શુચિ સેવ બનાઈ,
સાકર ઘૃત લેકે જમો, સુંદર સુખદાઈ. બાલભોગ૦ ૨
નવલ શ્યામ નવનીતમેં, મિસરી અતિ ડારી,
આઈ ભુવન આરોગીયે, વ્રજરાજ વિહારી. બાલભોગ૦ ૩
રૂચી રૂચી ભોગ લગાઈએ, કીજે રસ બતિયાં,
બ્રહ્માનંદ કહે હોત હે, શીતળ મેરી છતિયાં. બાલભોગ૦ ૪
પદ-૨
જશોમતિ અપને લાલકું, લીયે નિકટ બોલાઈ,
કરૂણા સાગર કીજીએ, ભોજન મન ભાઈ. જશોમતિ૦ ૧
કહાન અધિક નહિ ખેલીએ, આજ ભઈ એવરી,
બાલ ભોગ કરીકે રમો, બ્રજહુંકી શેરી. જશોમતિ૦ ૨
તેરા બાવા થાળ લે, બેઠા મગ હેરે,
ભોજન ઠંડે હોત હે, મનમેં નહિ તેરે. જશોમતિ૦ ૩
મહી માખણ મીસરી સહિત, લે ભોગ લગાવો,
બ્રહ્માનંદ કે નાથ જયું, મોરે મન ભાવો. જશોમતિ૦ ૪
પદ-૩
બાલ ભોગ કરને લગે, સુંદર સુખદાની,
માખણ મીસરી લાય કે, દીને નંદ રાણી. બાલભોગ૦ ૧
ખીર ખુવા આગે ધરે, સાકર માંહી ડારી,
લડુ અપને લાલકું, દેવત મહેતારી. બાલભોગ૦ ૨
કાન તીહારે કારને, નઈ મોરલી લીની,
રૂપ અજબ રંગસે ભરી, બોલાત ધુની ઝીની. બાલભોગ૦ ૩
જો તુમરે આગે ધર્યો, તિતનો જેંય લૈહો,
બ્રહ્માનંદ કહે બંસરી, તો પીછે પૈહો. બાલભોગ૦ ૪
પદ-૪
ગોપી ગિરિધર લાલકું, લિયે ભુવન બોલાઈ,
બાલ ભોગ આગે ધરે, જીમત રુચિ લાઈ. ગોપી૦ ૧
લડુ મોતીચુરકે, પુનિ શક્કરપારા,
શીરાપુરી પાક પય, મિષ્ટાન્ન અપારા. ગોપી૦ ૨
જો તુમકું નીકા લગે, સો માંગકે લીજે,
જીમત બેરીયાં જદુપતિ, લજજા નહિ કીજે. ગોપી૦ ૩
ચલુ અધાયકે કીજીએ, લીજે મુખવાસા,
બ્રહ્માનંદ પ્રસાદીકી, અંતર અભિલાષા. ગોપી૦ ૪