સ્વામી સહજાનંદ જે જને સેવ્યાજી, તેને ન રહ્યું કાંઈ કરવાનું કે’વાજી
સૌપરી શિરોમણિ મળ્યા હરિ એવાજી, એવી નથી ઉપમા એને બીજી દેવાજી ।।૧।।
ઢાળ -
ઉપમા નથી એવી આપવા, જોઈ જોઈ જોયું જરૂર ।।
ચૌદ લોકમાં જોયું ચિંતવી, એ સમ ન સમજાણું ઉર ।। ર ।।
અનેક તન ધરી હરિ, વિચર્યા વસુંધરા માંઈ ।।
તેના મળેલ તપાસિયા, સુખ પામ્યા ન પામ્યા કાંઈ ।। ૩ ।।
આજની તો અલેખે વાત છે, અઢળ ઢળ્યા છે અલબેલ ।।
હળ્યા મળ્યા હરિ હેતે કરી, વળી વાળી રંગડાની રેલ ।। ૪ ।।
જમ્યા રમ્યા જોડ્યે રહ્યા, દયા કરી દીન દયાળ ।।
સમે સમે સુખ આપિયાં, કાપિયાં દુઃખ વિશાળ ।। પ ।।
અરસ પરસ એકમેક રહ્યા, અંતરાય ન રહિ અણુભાર ।।
અનંત અવતાર આવિયા અવનિએ, પણ આંક વાળિયો આ વાર ।। ૬ ।।
અનેક પ્રતાપ અનેક પરચા, અનેક ઉદ્ધારિયા જન ।।
કોયે વાતની કસર નહિ, એવા સહજાનંદ ભગવન ।। ૭ ।।
અનંત સામર્થી અનંત ઐશ્વર્ય, અનંત પરાક્રમ અપાર ।।
અનંત ધામના ધણી હરિ, વળી અનંત શકત આધાર ।। ૮ ।।
સહુ ઉપર એ શ્રીહરિ, એની ઉપર નહિ કોઈ એક ।।
પૂરણ બ્રહ્મ પુરુષોત્તમ પોતે, એને આધારે બીજા અનેક ।। ૯ ।।
એવા પ્રતાપી પ્રભુ મળ્યા, તેના ટળિયા સર્વે તાપ ।।
નિષ્કુળાનંદ શ્રીહરિ સંબંધે, શુદ્ધ થયા જન આપ ।। ૧૦ ।। કડવું ।।૪૪।।
રાગ:-ધોળ
(‘સંત વિના સાચી કોણ કહે’ એ ઢાળ.)
સુખી કર્યા રે જન જગતમાં, પ્રભુ પ્રગટી આ વાર;
નિવાસી કયાર્ં બ્રહ્મમો’લના, અગણિત નર નાર. . .સુખી ।। ।।
જે સુખ અગમ અજ ઈશને, સુર સુરેશને સોય;
તે સુખ દીધું છે દાસને, જે સુખ ન પામે કોય. .સુખી ।। ર ।।
ધામી વિના રે એહ ધામનું કોણ સુખ દેનાર;
માટે આપે આવી આપિયું અખંડસુખ અપાર. . સુખી ।। ૩ ।।
એહ સુખથી જે સુખી થયા, રહ્યા દુઃખ તેથી દૂર;
નિષ્કુળાનંદ નિર્ભય થઈ; રહ્યા હરિને હજૂર. . સુખી ।। ૪ ।।