હરિ રાજી કરવા હોય હૈયે હામજી, તો સંત સંગે હેત રાખો આઠું જામજી
સંત છે સર્વ સુખના ધામજી, તેહ વિના કેદિયે ન સરે કામજી
કામ ન સરે સતંસંગ વિના, ત્યારે તેને જ સોંપવા પ્રાણ ।।
મન કર્મ વચને કરી, થઈ રે’વા સંતના વેચાણ ।। ર ।।
આ લોક પરલોકમાં પડે, જાણો જરૂર જેનું કામ ।।
તેને સંગાથે કેમ ત્રોડિયે, જાણી સદાય સુખનું ધામ ।। ૩ ।।
વિવાદ કરી કેમ વદીએ, અતિ વચન અકડથી ।।
જેને ફળે ફૂલે દળે દુઃખ ટળે, તે તરુ ન છેદિયે થડથી ।। ૪ ।।
જે બારણેથી બંધ છૂટિયે, તે બંધ ન કરિયે બારણું ।।
જેને આધારે જીવિયે, તેને ન કરિયે મારણું ।। પ ।।
જેમ કોઈ રાખે અન્ન પર રૂસણું, વળી વારિશું રાખે વેર ।।
તે જન એમ નથી જાણતો, જે હું જીવીશ તે કઈ પેર ।। ૬ ।।
એમ સંત સાથે રાખી શત્રુતા, વળી કરે સુખની આશ ।।
તે દિન થોડે દુઃખ પામશે, કાં કરતો નથી તપાસ ।। ૭ ।।
મળવું છે મહારાજને, રાખી સંત સંગાથે રોષ ।।
નિષ્કુળાનંદ કહે એ નહિ બને, રખે દેતા કોઈને દોષ ।। ૮ ।।