રાગ : કેદારો

પદ - ૧

માવજી મુજપર ખુબ અઢળક ઢળ્યા, માહેરૂં મંદિર ધામ કીધું;

સુખતણા સિંધુ સહજે મળ્યા શ્યામળો, તમથકી માહેરૂં કાજ સીધું. મા૦ ૧

દીન દુર્બળતણી જાણી તમે, મુજપર અતિશેજ કીધી;

દોયલી વેળાના દાસ છો નાથજી, શ્યામળા મારી સંભાળ લીધી. મા૦ ર

જે સંગ નેહ કર્યો તેને નવ વિસરો, ભક્તવત્સળ તમે અધિક રસીયા;

રાગ : ભૈરવ

પદ-૧

પ્રાત સમે મારા પ્રાણજીવનનું, મુખડું જોવા જાઈએ રે;

નલવટ રેખા નૌતમ નિરખી, અંતર સુખિયાં થાઈએ રે. પરાત૦ ૧

દક્ષણ ગોળ કપોળે તીલનું, શ્યામ ચિહ્ન ચિત્ત લાઈએ રે;

શ્રવણ વામમાં શ્યામ બિંદુ જોઈ, કામધામ વિસરાઈએ રે. પરાત૦ ૨

સુંદર શ્યામ જગાડ્યા સારુ, ઘેરે સાદે ગાઈએ રે;

રાત્રીના ભોજનનો થાળ

રૂડી રાંધી મેં રસિયાજી ખાંતે ખીચડી રે, રૂડી૦

ચોખા દાળ જતન કરી જોઈ, નિર્મળ નીરે ધીરેધોઈ;

મધુરે મધુરે તાપે માખણ શી ચડી રે. રૂડી૦ ૧

ઘી ઘણું જમો અલબેલા, અથાણાં પાપડ રંગ છેલા;

ચોપે શું ચોળાની કાજુ કરી વડી રે. રૂડી૦ ૨

દૂધ કઢીને દહીં જમાવી, લલિત લવિંગે શું છમકાવી;

ભુધરને જમવાને કાજે કરી કઢી રે. રૂડી૦ ૩

શીતલ જલ જમુનાનાં લાઉં, પ્રેમેથી જલ પાન કરાવું;

જમોને જમાડું રે જીવન મારા, હરિ રંગમાં રમાડું રે. જીવન મારા. ૧

વાલાજી મારા સોનાનો થાળ મંગાવું,મોતીડે વધાવું રે. જીવન મારા. ૨

વાલાજી મારા ઘેબર જલેબી ને લાડુ, જમોને થાય ટાઢું રે. જીવ૦ ૩

વાલાજી મારા ગૌરીનાં ર્ઘાૃત મંગાવું, માંહી સાકર નંખાવું રે. જીવ૦ ૪

વાલાજી મારા દૂધ કઢેલ ભલી ભાતે, જમોને આવી ખાંતે રે. જીવ૦ ૫

વાલાજી મારા પાપડ પતાસાં ને પોળી, જમોને ગળી મોળી રે. જીવ૦ ૬

મોટો થાળ રાગ - ગરબી

અવિનાશી આવોરે જમવા શ્રીકૃષ્ણ હરિ,

શ્રી ભક્તિ ધર્મ સુતરે જમાડું  પ્રીત કરી. ૧

શેરડીઓ વાળીરે ફુલડાં વેર્યાં છે,

મણીયાગર મંદિર રે લીપ્યાં લેર્યાં છે. ૨

ચાખડીયો પહેરી રે પધારો ચટકંતા,

મંદિરીયે મારે રે પ્રભુજી લટકંતા. ૩

બાજોઠે બેસારી રે ચરણ કમળ ધોવું,

પામરીયે પ્રભુજી રે પાવલીયાં લોવું. ૪

ફુલેલ સુગંધી રે ચોળું શરીરે,

રાગ ગરબી 

વ્હાલા આવો અમારે ઘેરરે, વારી જાઉં વાલમજી.

સેવા કરશું સારી પેર રે, વારી જાઉં૦

કાંઈ નિર ઉંને નવરાવું રે, વારી જાઉં૦

કાઈ જુગતે કરીને જમાડું રે, વારી જાઉં૦ ૧

કાંઈ કંચન થાળ કટોરા રે, વારી જાઉં૦

પાસે પાણી પીધાના અબખોરા રે, વારી જાઉં૦ ૨

કંસાર ને ચુરમા ચોળી રે, વારી જાઉં૦

રસ રોટલી ઘીએ ઝબોળી રે, વારી જાઉં૦ ૩